Agnipath Scheme: અગ્નિપથ યોજના પરત નહીં ખેંચાઈ, ભરતી પહેલા પોલીસ વેરિફિકેશન થશે, ઉપદ્રવી નહીં બની શકે અગ્નિવીર...

અગ્નિવીર બનીને દેશસેવા કરવા માગતા યુવાનો માટે ખાસ ખબર છે. અગ્નીવીરોની ભરતી ક્યારથી શરુ થશે તેને લઈને સેનાની ત્રણેય પાંખે મહત્વની તારીખો જાહેર કરી છે. 

અગ્નિવીરોની ભરતી માટે 1 જુલાઇના રોજ નોટિફિકેશન

લેફ્ટિનેન્ટ જનરલ બંશી પુનપ્પાએ કહ્યું કે સેનામાં અગ્નિવીરોની ભરતી માટે 1 જુલાઇના રોજ નોટિફિકેશન જાહેર કરવામાં આવશે. જે બાદ લોકો એપ્લિકેશન રજિસ્ટ્રેશન શરૂ કરી શકે છે. ભરતી માટેની પ્રથમ રેલી ઓગસ્ટના બીજા અઠવાડિયાથી શરૂ થશે. રેલીમાં ફિઝિકલ ટેસ્ટ અને મેડિકલ તપાસ થશે, ત્યાર બાદ પ્રવેશ પરીક્ષા થશે, ત્યારબાદ તેમને કોલમમાં મેરિટ પ્રમાણે મોકલવામાં આવશે. ઓગસ્ટથી નવેમ્બર સુધી 2 બેચમાં રેલી થશે. પહેલા લોટમાં 25,000 અગ્નિવીર હશે. આ લોકો ડિસેમ્બરના પહેલા અઠવાડિયામાં આવશે. અગ્નિવીરોની બીજી બેચ ફેબ્રુઆરીમાં આવશે. દેશભરમાં કુલ 83 ભારતીય રેલીઓ થશે, જે દેશના દરેક રાજ્યના દરેક છેવાડાના ગામમાં યોજાશે. 

આર્મી, એરફોર્સ અને નેવીમાં ક્યારથી ભરતી શરુ થશે 
ત્રણેય પાંખ દ્વારા જાહેર કરવામાં આવેલી માહિતી અનુસાર, 24 જૂનથી એરફોર્સમાં, 25 જૂનથી નેવીમાં અને  1 જુલાઈથી આર્મીમાં અગ્નિવીરોની ભરતી પ્રક્રિયા શરુ થશે. 

એરફોર્સમાં 24 જુનથી પહેલી બેચની ભરતી શરુ થશે 
એર માર્શલ એસકે ઝાએ એવું કહ્યું કે અગ્નિવીરની પહેલી બેચનું રજિસ્ટ્રેશન 24 જુનથી શરુ થઈને 24 જુલાઈ સુધી ચાલશે અને ત્યાર બાદ પહેલા તબક્કાની પરીક્ષા શરુ થશે. ડિસેમ્બર સુધીમાં પહેલી બેચની ભરતી થઈ જશે અને 30 ડિસેમ્બર સુધીમાં તાલીમ પૂર્ણ કરી દેવાશે.  આ વર્ષે 21 નવેમ્બરથી, પ્રથમ નૌકાદળ 'અગ્નિવીર' તાલીમ સંસ્થાન INS ચિલ્કા, ઓડિશામાં પહોંચવાનું શરૂ કરશે. આ માટે સ્ત્રી અને પુરૂષ બંને અગ્નિવીરોને મંજૂરી છે. 

કોઈ પણ વિરોધ-પ્રદર્શન સામેલ નહોતા એવું લેખિતમાં આપવું પડશે

સેનાએ એવું પણ કહ્યું કે જે યુવાનો અગ્નિવીર તરીકે સેનામાં જોડાવવા માગતા હોય તેમણે એવું પ્રમાણપત્ર આપવું પડશે કે કે તેઓ કોઈ પણ પ્રકારના વિરોધ-પ્રદર્શનમાં સામેલ નથી. જેઓ વિરોધ પ્રદર્શનમાં સામેલ હશે તેઓ અગ્નિવીર તરીકે નહીં જોડાઈ શકે. 

અગ્નિપથ યોજના પાછી નહીં ખેંચાય 
સેનાએ અગ્નિપથ યોજના પાછી ખેંચવાની સંભાવનાને નકારી કાઢી છે. સેનાએ સંયુક્ત નિવેદનમાં કહ્યું કે અગ્નિપથ યોજના પાછી નહીં ખેંચાય. સેનાએ પોતાના મહત્વપૂર્ણ નિવેદનમાં કહ્યું કે કોચિંગ સંસ્થાઓ વિદ્યાર્થીઓને ભડકાવી રહી છે અને ભડકાવી રહી છે. અનિલ પુરીએ કહ્યું કે યુવાનોએ હિંસા અને પ્રદર્શનમાં ભાગ ન લેવો જોઈએ.